Предлагаем два варианта текста: на церковно-славянском и на гражданском. Вы можете сами выбрать на каком языке вам удобно петь акафист святому.
1. На церковно-славянском языке (PDF) - СКАЧАТЬ
2. На церковно-славянском языке /другой формат/ (PDF) - СКАЧАТЬ
3. На русском /гражданский шрифт/ (PDF) - СКАЧАТЬ
4. Чин молебного пения прп. Макарию Унженскому / на церковно-славянском языке/ (PDF) - СКАЧАТЬ
икона Преподобного Макария Унженского на фоне храмов Решмы-Нагорного
Молитва преподобному Макарию Унженскому
О преподобне и богоблаженне отче наш Макарие! Светильниче всемирный, монахов и подвижников удобрение, Галичския страны и всея Российския земли заступниче! Неусыпаемый и теплый за ны грешныя молитвенниче ко Всемилостивому Спасу нашему и Богу Иисусу Христу и ко Пресвятей и Пречистей Матери Его, Владычице нашей, Богородице и Приснодеве Марии! Молим твою всечестную святыню, недостойнии ученицы твои, не забуди ны, смиренная чада твоя, но яко чадолюбивый отец, посещай духом присно душ наших немощь, и испроси молитвами твоими у Христа Бога нашего, яко да освятит души наша и телеса, и просветит наш ум и разум, и очистит совесть нашу от всякия скверны, и от нечистых помыслов, и лукавых умышлений, и вредных разумений и губительнаго уныния, и избавит нас от всяких демонских непрестанных наветов же и озлоблений дневных и нощных. Дарует же нам искреннее покаяние, сокрушение сердцу, слезы и умиление, воздержание и трезвость, смиренномудрие, кротость же и безмолвие, и чистоту душевную и телесную, нищелюбие же и страннолюбие, и нелицемерную ко друг другу любовь и милосердие, и всякое иноческое благоговение. О всеблаженне отче наш Макарие, сподоби ны последовати, по силе нашей, святому твоему и равноангельному житию! Яко да всемилостивым предстательством Преблагословенныя и Препрославленныя Приснодевы Марии Богородицы, Небесныя Царицы, христианския Заступницы и Покровительницы и твоими святыми молитвами Преблагий Христос Бог наш покажет на нас, грешных рабах Своих, благодать и милость Свою, и настоящих зол и будущих мук вечных свободит нас, и сподобит ны наследники быти Царствия Своего Небеснаго, славящих и величающих Его купно, со Безначальным Его Отцем и Пресвятым, и Благим, и Животворящим Его Духом, ныне и присно и во веки веков. Аминь.
Преподобне отче наш Макарие, моли Бога о нас!