На Господи воззвах: стихиры умилительны, глас 6
Подобен: Всю отложивше:
Анимаисо, мати всечестная,/ души моея крепосте,/ надеждо моя и упование,/ услыши стенание и молитву мою./ Настави мя на пути спасения, /любовию и участием наполни страждущее сердце,/ наставнице благая,// Бога в Троице любимице всехвальная.
Анимаисо, мати всечестная,/ милосердия сияние,/ тепло доброты и мира душевнаго,/ образе светила во трою единства совершенный в сердце своем сохраньшая,/ буди верным утешением опечаленныя совести моея,// да открыются и мне, окаянному, пути спасения истиннаго.
Яко во времена власти безбожныя веру и целомудрие неврежденны сохранила еси/, тако и нам даруй ныне целомудрия возвращение,/ избавляя малодушия и бури сомнений,/ тьму нощи омрачения отгони,/ и покрова мрака греховнаго завесу раздраша,// светом покаяния озари души наша.
Анимаисо, мати всечестная, /монашествующих похвало, смиренных утешение, /в бедности отрадо, в трудех быстрая помощнице,/ в горестех безмездная молитвеннице,/ утиши печали в злостраданиях// предстательством своим пред Господом Богом нашим.
Слава, и ныне, глас 2.
Пречистыя Девы служительнице,/ Анимаисо, мати преподобная,/ безплодную пустыню сердца моего научаяй возделывати / непрестанными теченьми слез и воздыханий о гресех моих,/ молю тя, умоли Владычицу мира/ сподобити мя деснаго предстояния /пред Престолом Божиим, //егда сядет судити миру, якоже есть писано.
На стиховне стихиры, глас 6.
Спасе мой, Иисусе Христе,/ Всемилостивый Боже мой,/ приемый блудницу и мытаря оправдавый,/ души моея стремления узри,/ Всеведущий Сердцеведче, /и покаяния моего образ приемля,/ спаси, о, Иисусе,/ от смраднаго обольстителя,/ от зверохищнаго антихриста /и духа вражия тлетворнаго, /разруши сети преисподния// и спаси мя, Благодателю Святый.
Лестию зловредною растлен еси,/ како явлюся Престолу Судии,/ Вечнаго и Нелицеприятнаго,/ но молю о милости прощения, Христе мой Иисусе,/ и зову Ти надеждою:// молитвами всечестныя матери Анимаисы, помилуй мя, Спасе, грешнаго.
Завистию вражией от Тебя отторгнутый,/ клеветами диавольскими Тя лишенный,/ Милостивый мой Спасителю,/ помилуй мое неразумие,/ прости мое маловерие и души моея пропасти бездонныя зряще,// Сам спаси и сохрани мя, грешнаго.
Слава, и ныне, глас тойже: Богородичен.
Пред Тобою, Царице Небесная, / со слезами и горестию предстою,/ныне от врага умерщвление души моея зряще, Пречистая,/ и в несчастие нечестия, аки ризу смрадную, облачение мое,/ в гонениих упование не утративши,/ помилования Пресвятыя Троицы просящи,/ молю Твоего пред Богом предстательства, Владычице:/ врага лютаго избави мя,/ услышав жалобы и стенания души моея,/ защитою и быстрою Помощницею явися измождению моему,/ внемли и вопли непрестанныя услыши,/ и яко Нерушимая Стено веры моея и упования ставшая,// спаси мя, Приснодево, грешнаго.
Таже: Тропари, глас 6: Помилуй нас, Господи, помилуй нас: Слава: Господи, помилуй нас, на Тя бо уповахом: И ныне: Милосердия двери отверзи нам:
КАНОН ПРЕПОДОБНОЙ МАТЕРИ АНИМАИСЕ
Ирмосы канона на недельные гласы.
Песнь 1.
Запев: Преподобная мати Анимаисо, моли Бога о нас.
Просвещением трисолнечнаго Божества озарившеся,/ангельское служение на земли совершила еси,/ три ипостаси Богоначальны воспевающа,/ молитвами святыми к Человеколюбцу возносящаяся,/ в годину лихолетия Бога не отреклася еси,/сиянием силы духовныя тьму безбожия растерзала еси,/ ныне же мя, темностию страстей омраченному,/ просвети ко спасению,// светоносную память твою чтущаго.
Запев: Преподобная мати Анимаисо, моли Бога о нас.
Совесть имущая к Богу неоскудную/ и око сердца чистотою блистающа,/ о, мати Анимаисо, Церкви Христовой украшение явилася,/ Невестою непорочною Жениху Богу предстояща,/ греховныя смерти спасай мя,// яко молитвеннице благая.
Слава:
Зиждемый бысте Богу Духу Святу души твоея оживотворенный храме,/ душевное возложиста желание к благовестию,/ преподобная наша мати,/ страждущия словом утешения укрепляла еси,/ малодушия исцеляя,/ глада и хлада адскаго отгонительнице,/ укроти бурю сердца моего, грехом раздираема,/да в тишине Божией пребывающа,// песнями возславлю подвиги твои и жизнь безконечную.
И ныне:
Из боку чисту Девыя /пройде Солнце правды,/ плотию Пречистою облекшеся,/ осияя вселенную Триипостаснаго Божества зарями,/ страсти лютыя ума моего утоли, Владычице,// и исправи мя заблудшаго, яко да славлю Тя.
Песнь 3.
Запев: Преподобная мати Анимаисо, моли Бога о нас.
Высотою смирения украшаема,/ преподобная мати Анимаисо,/ с чины небесныя воспевающа трисвятыми гласы ныне,/ на земли небеса явила еси послушанием и верностию Богу в Пресвятыя Троице,/ молитвами, постом и воздержанием душу божественными даровании исполнила еси,// о, святая Анимаисо, моли спастися души моей.
Запев: Преподобная мати Анимаисо, моли Бога о нас.
Потоки слезными исполнивше сердце свое кроткое,/ богомудрая наша мати,/ и плоти своея умерщвление воздержанием явила еси,/ ныне упроси Бога, молит тя душа моя грешная,/ грехов многих и страстей зверообразных изцеление низпослати ми// и души моея прощение.
Слава:
Дивный образе милосердия являеши/ и подвигами жития наставляеши,/ к добродетели и высоте возводяще Божественнаго делания,/ мати Анимаисо всечестная, // моли Бога спастися души моея.
И ныне: Богородичен.
Болящим изцеления источаеши,/ отгоняя болезни телесныя и душевныя,/ страсти человек врачуеши,/ предстательством преподобныя мати нашея Анимаисы, / даруй ми погибшему спасение,// Дево Пречистая.
Таже: Господи, помилуй.(трижды)
Седален, гл.4
Житейское море бурное преплывше,/ образом благочестия мя наставляеши,/ яко ключи храма Пресвятыя Троицы от врагов сокрыша,/ ключи нерушимого духа миру явила еси,/ девственнаго подвига печатию истину веры торжествуя,/ пути к Богу в Троице открыла еси,// ключи Божия Царствия сохраньшая.
Слава, и ныне, Богородичен:
Пречистою утробою Твоею Младенца Бога сокрывающа,/ велию тайну Триипостаснаго Величия соблюдши,/ Дево, пристанище тихое безстрастия,/ всея вселенныя тишиною явльшаяся,/потреби тлю сердца моего// молитвами мати преподобныя.
Песнь 4.
Запев: Преподобная мати Анимаисо, моли Бога о нас.
Житие непорочне твое плод премудрости явистася,/ небеснаго жития предвратие образовашася,/земли дольней преминовение/ в ожидании небеснаго стяжания,/ преподобная мати явила еси во образе ангельстем,/ со безплотными лики взывающа:// слава силе Твоея, Господи.
Запев: Преподобная мати Анимаисо, моли Бога о нас.
К небесному пристанищу устремишася,/ мати наша Анимаисо,/ и земный храм Пресвятыя Троицы своим попечением не оставила еси,/ благолепне украшенный явила по времени,/ и нам, лучами чудес твоих просвещенными,/испроси у Господа даровати силу духовную/ и решимость подражати житию твоему,// да согласно с лики ангельскими воззовем:/ слава силе Твоея, Господи.
Слава:
Небесныя надежды стяжати сподобившаяся,/ земныя печали отложше, аки сорныя,/ сподоби нас добродетелей твоих наследники и общники быти,/ да воспоем с тобою и со ангелы Богу:// слава силе Твоея, Господи.
И ныне, Богородичен:
Блажит Тя, Пречистая, всяк возраст и всяка душа верных,/ Бог бо Слово паче ума от Тебе воплотися,/ сохрани и соблюди люди Твоя,/ Бога в Троице славящия,/ молитвами Твоими,// Дево Пренепорочная.
Песнь 5.
Запев: Преподобная мати Анимаисо, моли Бога о нас.
Возсия в тебе Господь, Егоже от всея души возжелала еси видети/и Ему Единому служити,/ мати Анимаисо прехвальная,/ внутреннима очима зряще неизреченную доброту Господа Бога нашего,/ и любве ради Христовой в острецовской веси вселистася,// непрестанною молитвою пищи неизреченныя сподобилася.
Запев: Преподобная мати Анимаисо, моли Бога о нас.
Боже Отче Вседержителю,/ Боже Слове и Божественный Душе,/ утверди, Единоначальная Троице, Твоя певцы,/ славящих Тя вкупе с блаженною Анимаисою и всеми святыми возвесели,// вся стрелы разжженныя лукаваго потреби.
Слава:
Благодати утешения сподобилася еси,/ преблаженная мати,/ сего ради свыше ожидаем твоего посещения,/ настави нас на пути спасения// и Божественнаго Царствия сотвори нас причастники.
И ныне, Богородичен:
Воспойте Господеви вся земля,/ претворившему и преобразившему ны от злобы всякия к добродетели,/ соблюдающа вселенную десницею Своею,/ молитвами Девы Пречистыя,// твердою мира душевнаго надеждою и похвалой.
Песнь 6.
Запев: Преподобная мати Анимаисо, моли Бога о нас.
Силою Христовою укрепляема,/ мати всехвальная Анимаисо,/ вся коварства лукаваго низвергла еси,/ святыми своими молитвами, богоблаженная,/ Бога Духа Святаго красоту и доброту в сердце носяща,/ и ныне предстоиши Богу Вседержителю,/ у Него же знамения и чудеса испросивше,// угодница Христова пресветла явистася.
Запев: Преподобная мати Анимаисо, моли Бога о нас.
Небеснаго богатства восприяла, премудрая,/ богомудренными помыслы украсившися,/ и яже на земли отвергша тленная,/ к горнему устремилася еси,/ ныне к раце мощей твоих притекающим/ подаваеши изцеления и милости неоскудныя,/ полки же прогоняеши бесовския,// возвещая небесную радость жития своего.
Слава:
Слава, Господи, всем преподобным и всем святым, / Божественными повелении Твоими нравы добродетельны стяжасте,/ смирение, любовь, кротость и незлобие,/ сего ради лукаваго змия умертвиша священными молитвами, богоблаженнии,/ от Христа Бога дарования прияли есте,// изцелений дары смиренно просящим подаваете.
И ныне, Богородичен:
Греховныя моя страсти, Пречистая, исцели, молюся,/ Ты же безстрастия источник еси, Царице Небесная,/ и просвети мя Рождеством Своим,// преподобных молитвы приемлюща.
АКАФИСТ ПРЕПОДОБНОЙ АНИМАИСЕ
Кондак 1.
Избранную Невесту Христову,/ Родниковской земли светильницу,/ песньми восхвалим днесь, вернии,/ преподобную мать нашу Анимаису,/ в годину гонений лютых верность Христу сохранила еси,/ крестный путь исповедничества избравшую,/ и плотию преставльшеся, нас не оставила еси,/ ныне же молит Христа Бога о душах наших,/ присно предстательствуя за ны,/ сего ради мы тако возопиим://
Радуйся, преподобная мати наша Анимаисо,// исповедница Христова всечестная!
Икос 1.
Ангельски на земли поживши, преподобная, исповедничеством своим угодила Христу, сего ради небесныя радости причастия сподобилася еси по успении своем. С горних высот ныне призри на ны, с любовию тя величающих:
Радуйся, Российския земли похвало.
Радуйся, голубице непорочная.
Радуйся, девственнице чистая.
Радуйся, инокиням утешение.
Радуйся, благочестия звездо.
Радуйся, заступнице к тебе притекающих.
Радуйся, целительнице недугов безмездная.
Радуйся, ходатаице за ны теплая.
Радуйся, преподобная мати наша Анимаисо, // исповедница Христова всечестная!
Кондак 2.
Видев тя, преподобная, подвиг иноческаго жития возлюбившую, бурю житейских бед и напасти суетнаго мира презревшую, сподоби с тобою вкупе Единому Небесному Жениху поработати, поюще Богу: Аллилуиа.
Икос 2.
Разумом свыше просвещенная, в обители святаго Макария Желтоводскаго и Унженскаго постриг принявшая, в трудах и послушании пребывала еси, целомудрие соблюдая. Темже тя ублажаем, яко сосуд благочестия, поюще сицевая:
Радуйся, путь иноческаго жития избравшая.
Радуйся, открывающая нам своими молитвами пути спасения.
Радуйся, Духа Божия Святаго вместилище.
Радуйся, Богом в Троице умудренная.
Радуйся, ко благому свыше укрепленная.
Радуйся, разум просветившая молитвою.
Радуйся, совесть стяжавшая чистую.
Радуйся, ведением путей благочестия умудренная.
Радуйся, преподобная мати наша Анимаисо, // исповедница Христова всечестная!
Кондак 3.
Силою Вышняго укрепляема, возлюбила, преподобная, нищелюбие; в прилежании и послушании Богу в Троице Божественную мудрость стяжавшая, ею же укрепляет каждого человека, поюще Господеви: Аллилуиа.
Икос 3.
Имаше во обители, преподобная, усердие молитвенное и нестяжание, ко спасению наставляющии, молим тя, всехвальная, призри на ны и направи нас на путь истины, тя величающих:
Радуйся, молитвами ключ мудрости улучившая.
Радуйся, тем отверзшая двери благочестия ищущим.
Радуйся, умиленная Христовым снизхождением к роду падшему нашему.
Радуйся, Богу Единому поработати возжелавшая.
Радуйся, в чертог славы Его всельшаяся.
Радуйся,светом благочестия и молитвы просиявшая.
Радуйся, Священное почитавшая Благовестие.
Радуйся, от Сего узрившая мира горняго и дольнего творение.
Радуйся, преподобная мати наша Анимаисо, // исповедница Христова всечестная!
Кондак 4.
Буря безумных гонений на Церковь Христову путь новаго подвига открыла тебе, преподобная. Молитвою ко Господу согреваема, в сердце верном мужество сохранила еси, взывая к Богу в Троице: Аллилуиа.
Икос 4.
Сила вражия обитель святую разориша и насельниц изгнаша; ты же силу Божией любви негасимым светом явила еси и в мире суетном, полном бесовских напастей в истине устояла еси, темже, подвиг чести твой величающа, возопиим сицевая:
Радуйся, праведнаго жития образе.
Радуйся, послушания Божественной воле утверждение.
Радуйся, Богом венчанная подвижнице.
Радуйся, адских страхований не испугавшаяся.
Радуйся, со смирением крест свой понесшая.
Радуйся, мирскаго мятежа не убоявшаяся.
Радуйся, мужества примерная наставнице.
Радуйся, Божия избраннице.
Радуйся, преподобная мати наша Анимаисо, // исповедница Христова всечестная!
Кондак 5.
Бога паче живота возлюбившая, преподобная, житие иноческое в миру понести не утрашилася еси, тяготы и тесноты его презрела еси; притекши в землю Родниковскую, ведомая гласом Божиим. Темже с тобою вкупе Господу тако возопиим : Аллилуиа.
Икос 5.
В веси Острецовския послушницею Пресвятыя Троицы явилася еси, преподобная мати Анимаисо, ближним безмездно служащи, во смирении и терпении плоды добродетели явила еси. Темже тя хвалим достойно:
Радуйся, одеяниям преиспещренным мира скромное рубище иноческое предпочевшая.
Радуйся, Крест Христов, яко хоругвь священную веры приимшая.
Радуйся, яко утвердил тя Господь во уповании.
Радуйся, возложившая руки на рало духовнаго делания.
Радуйся, главу покрывшая куколем незлобия.
Радуйся, землю Родниковскую для спасения от Бога получившая, яко ниву стяжания добродетели.
Радуйся, подвига смиренная наставнице.
Радуйся, преподобная мати наша Анимаисо, // исповедница Христова всечестная!
Кондак 6.
Всяк подвизаяйся, от всех да воздержится. Таковое реченное апостолом слово держала еси делом, мати преподобная. Постом и молитвою неослабно поживше, суесловия избежала еси. Песньми и псалмами славословяще и в добром устроении утверждающися, Богу воспела еси: Аллилуиа.
Икос 6.
Возсия свет благодати в подвизех твоих, Анимаисо, мати наша богомудрая, в твоих наставлениях всем, притекающим к тебе с верою. Образу жития Игумении Небесныя своея подражающа, при храме, яко некогда Отроковица, подвизалася еси. Сего ради и мы ныне воспоим:
Радуйся,земли родниковския радование.
Радуйся, девам похвало и венец сиятельный.
Радуйся, звездо благочестия.
Радуйся, смирения исполненная.
Радуйся, с молитвою скорби терпевшая.
Радуйся, при храме, якоже древле Отроковица, пребывала еси.
Радуйся, упования неложное исполнение.
Радуйся, пути спасения указующая.
Радуйся, преподобная мати наша Анимаисо, // исповедница Христова всечестная!
Кондак 7.
Седмерице сродник твоих, мати всечестная Анимаисо, пытки и умерщвления от богоборец претерпеша, с небесе тя укрепляюща, аки осьмый столп веры и благочестия Истины у Христа Бога тя испросиша. Да ключи Царствия Небеснаго сохраньша, народу русскому надежду спасения у Престола Пресвятыя Троицы исходатайствуеши, воспевающа: Аллилуиа.
Икос 7.
Милосердием Божиим хранимая, подвизи свои свершила еси, предивная в силе Божией наша мати. Божие жилище, храм Пресвятыя Троицы от святотатцев и супостат упасла еси, грядущих мучений не убояшася. Тако крепкою десницею Господней от вражиих поруганий восхищена еси. Сие милосердие Божие зрящи, воспеваем сицевая:
Радуйся, укрепление в скорбех с небеси получившая.
Радуйся, священномученика Петра чадо духовное преславное.
Радуйся, угрозы безбожников презревшая.
Радуйся, ключи церковныя сохраньшая.
Радуйся, в терпении и мужестве веру Христову явившая.
Радуйся, безстрашно Бога в Троице исповедавшая.
Радуйся, гордых безумцев вразумление.
Радуйся, покровом Пречистыя Девы огражденная.
Радуйся, преподобная мати наша Анимаисо, // исповедница Христова всечестная!
Кондак 8.
Двери Храма по времени отворила, блаженная вратарнице, избранным сохранила убранство в нетлении. И новым служением алтарницы таинственное делание продолжила еси. Сего ради Богу Всесильному возопиим: Аллилуиа.
Икос 8.
Велию Милость Господь верным душам дарует, образы благочестия восхваляя. Ревностию по Бозе и укреплением чад Божиих духом неугасающим, сими добродетельными делы исполнились дни твоего служения, благочестивая проповеднице и наставнице. Сего ради величаем тя:
Радуйся, благий ярем Христов подъемшая.
Радуйся, ключи сокровенныя веры родной сохраньшая.
Радуйся, служителя Бога с усердием встретившая.
Радуйся, в непоруганной святыне Господа славящая.
Радуйся, во святая святых вшедшая.
Радуйся, радостию послушание во алтаре Божием исполнившая.
Радуйся, ревностно подвизи свои творящая.
Радуйся, маловерных укрепление.
Радуйся, преподобная мати наша Анимаисо, // исповедница Христова всечестная!
Кондак 9.
Венцы нетленныя приявшая, с небеси зриши ныне на тленныя человеки, мати чистая. И по мирном успении твоем чад своих не оставляеши, сего ради и мы со ангельскими лики умиленно вопием Богу, пославшему тя в горестный мир для утешения нашего: Аллилуиа.
Икос 9.
Витии мудрыя памятование слова Христова проповедаша, яко велий наречется во Царствии Небеснем исполнивый едину от малых заповедей Господних. Ты же, благочестием украшенная, преподобная мати наша, поучением сестер своих во Христе таковая соделала еси. Сего ради восхваляем твое усердие:
Радуйся, неложно старших почитавшая.
Радуйся, скорбных утешающая.
Радуйся, образе смирения и благолепнаго обхождения с малыми мира сего.
Радуйся, обличительница осуждения и многословия.
Радуйся, приятельнице дара прозрения.
Радуйся, вопрошающим мудрая советнице.
Радуйся, миротворице сварящихся.
Радуйся, добродетелей сокровище.
Радуйся, преподобная мати наша Анимаисо, // исповедница Христова всечестная!
Кондак 10.
Радостию велией сердца наша исполняеши, яко имеем тя скорую заступницу на небесех. Дивному дару твоему врачевания немощей лютых удивляемся, и помощи в тяжких обстояниях чающа, Богу, тя нам, яко ангела светлаго, пославшему, воспеваем сицевая: Аллилуиа.
Икос 10.
Славою Божией покрыто место твоего упокоения, милосердная, и помощию скорою всем с надеждою к тебе притекающим является. Немощствующих ты еси исцеление, нищим и алчущим покровительнице верная, в скорбных обстояниях помощнице усердная, в болезнех духовных и душевных врачевательнице. Сего ради благодаряще воспеваем ти:
Радуйся, чертога Небеснаго насельнице.
Радуйся, о нас, немощных, молитвеннице.
Радуйся, дара врачевания душ и телес приятельнице.
Радуйся, мира по успении своем не оставившая.
Радуйся, радости Небесныя причастнице.
Радуйся, и нас утешениями не оставляющая.
Радуйся, под Сению Небесною, яко плод добрый, взращенная.
Радуйся, земель Костромских светильнице.
Радуйся, тяготы земныя нам нести помогающая.
Радуйся, преподобная мати наша Анимаисо, // исповедница Христова всечестная.
Кондак 11.
Песньми восхваляюща тя, радуется добрый град Родники; дух твой на небеси ликовствует, на земли же честныя мощи твоя, мати наша Анимаисо, во храме Святаго благовернаго князя Александра Невскаго покоятся. В пренесении же мощей множество чудес сотворила еси, благоуханием райскаго сада чудо спасения нам возвестивше. Мы же, видя милость Божию велию, поем во умилении: Аллилуиа.
Икос 11.
Светозарная луча земли Родниковския! И поныне светиши духом своим, пребывая с нами присно. Мы же, поклоняющися Богови в Троице, просим и твоего скораго предстательства за ны, вопиюща таковая:
Радуйся, земли Родниковския сияние.
Радуйся, похвало Богу в Троице и славо.
Радуйся, венцем славы от Небеснаго Жениха Христа увенчанная.
Радуйся, собеседнице благословеннаго лика праведных.
Радуйся, преподобия образе.
Радуйся, мужества источниче.
Радуйся, милость Божию нам являющая.
Радуйся, недуги наша исцеляющая.
Радуйся, преподобная мати наша Анимаисо, // исповедница Христова всечестная!
Кондак 12.
Благодати причастнице, усердно молим тя, Анимаисо всехвальная, пролей теплое твое моление ко Господу сил за землю Русскую, в скорбех и бедах пребывающую. И, яко дщерь избранная, упроси Бога в Троице, да подаст милость земли нашея и избавление от ига лукаваго соделает. Сего ради воспоим Господеви: Аллилуиа.
Икос 12.
Поюща тя, яко заступницу нашу теплую, народу русскому покров и утверждение. Радуемся о тебе, преподобная, яко орудием спасения нашего тя Господь содела. С любовию тя величающи, воспоим сицевая:
Радуйся, всельшаяся в скинию святых.
Радуйся, незримая о нас ходатаице.
Радуйся, больных и страждущих врачевание.
Радуйся, печальных утешение неложное.
Радуйся, отрадо скорбящих.
Радуйся, опорою крепкою тя призывающим явльшаяся.
Радуйся, заступнице наша теплая у Престола Божия.
Радуйся, путеводительница славная ко спасению.
Радуйся,преподобная мати наша Анимаисо, // исповедница Христова всечестная!
Кондак 13.
О, преподобная мати наша Анимаисо! Моли за ны Бога в Троице, да укрепит наша немощныя силы и ко спасению управит, соблюдая в чистоте и вере, сотворении добродетели, девствующих сохраняя, в супружествах сущих благочестие благословляя, любовь и мир сердечный совершенствуя, недужных врачуя, омраченных просвещая. Да вся спасаемая в чертози небесныя Господь по времени управит, идеже Ангели поют: Аллилуиа.
( Сей кондак глаголется трижды, затем читается первые икос и кондак ).
Ин кондак, гл.2.
Чистотою души божественне вооружився, непрестанно молитву, яко копие, приим державно, разсекла еси демонов полки, преподобная мати Анимаисо, моли о всех нас Бога в Троице.
Икос:
Ангельски поживше, преподобная, небесныя радости причастия сподобилася еси по скончании. С горних высот призри на ны, тя величающих: Радуйся, преподобная Анимаисо, исповедница Христова всечестная!
Песнь 7.
Запев: Преподобная мати Анимаисо, моли Бога о нас.
Просветившая сердца и помышления наша, о, премудрая мати Анимаисо,возводяще к свету богоразумия, крепость помыслов нам молитвами твоими даруй, еже хранити и соблюдати Божественныя заповеди, и всегда пети Богу верно: благословен еси Боже отец наших.
Запев: Преподобная мати Анимаисо, моли Бога о нас.
Пищи небесныя и радости несказанныя ныне наслаждаешися, мати Анимаисо всехвальная, дольнему миру дары утешения посылаеши, благоуханьми храмы, молящиися тебе, исполняеши, Духа Божественнаго Святаго излияние призывай песнословящим: отцев наших Боже в Троице благословен еси.
Слава:
Радующеся, поем, Господи, и славим преподобных Твоих собор, совесть имущих чисту и житие непорочно, сего ради воспеваем вси: Отцев наших Боже в Троице благословен еси.
И ныне:
С преподобными девы и матери, Владычице, взывающа к Щедролюбивому Богу,со святыми всеми моли Того присно от всяких бед избавити ны, с любовию Тя величающих, Дево Пречистая.
Песнь 8.
Запев: Преподобная мати Анимаисо, моли Бога о нас.
Чудесами дарования болящим изцеления, неплодным чадородия и в трудных обстояниях избавления посылающа, велию помощь небесную являеши еси, усердно молящимся ти с надеждою и верою, преподобная Анимаисо, ты же сподобилася еси жизни будущия, оставление грехов проси нам и болезней прехождение.
Запев: Преподобная мати Анимаисо, моли Бога о нас.
Подвига монашескаго образе, в чине ангельстем служение на земли свершила еси, ныне празднующи память твою, мати благочестная, похвалы приносим тебе, праведностию просиявшей, нищих питательнице, убогим заступнице, мужества, мудрости и целомудрия рачительнице, радуйся, угоднице Божия.
Слава:
Исповедница Христова всечестная, преподобная мати Анимаисо, умиленным сердцем Богу в Троице воспевая, славу Божию делами благочестия созидала еси, сего ради молим Человеколюбца: спасай нас, Боже, предстатель-ством Твоих святых.
И ныне:
Царице Небесная и Стено Нерушимая, со всеми пророки и мученики, и преподобными, священномученики и со всеми святыми, молим Тя, Приснодево, народу русскому в горестех и болезнех сущему, Божественную Милость испроси.
Песнь 9.
Запев: Преподобная мати Анимаисо, моли Бога о нас.
Процвела еси подвигом постническим, прехвальная Анимаисо, и яко шипок благовонен, и яко ладан благоуханен, верных сердца облагоухала еси. И ныне света Трисолнечнаго наслаждаешися, мати богомудрая, Троичному предстоя Престолу, светозарными зарями просвещенная.
Запев: Преподобная мати Анимаисо, моли Бога о нас.
Звездою ясною просияло милосердие твое, мати преподобная, вселенную осветивше всю и отгнаша тьму злочестия. Видевше ангели подвизи трудов твоих и удивишася, темже и Христос Бог тебе воздаяние и почести дарует, мати преподобная, мы же тя радостно ублажаем.
Слава:
Боже и Свете Трисиянный, озари верою Тя поющих, и от мрачнаго избави злодейства, и сподоби светлейших селений Твоих молитвами преподобныя Анимаисы, яко Преблагий.
И ныне:
Божественным Светом зари невечерния всех песнословящих Тя исполни, Всепетая, молитвами Твоими, да славно Пречистое Твое Владычество во веки.
На хвалитех стихиры, глас 4.
Небеса радуются со ангелы, земля веселится с человеки, Господу Богу славу поюща, милость Его провозвещающа, спасение миру подающему: Боже, помилуй нас.
Со гласы преподобными Триипостасное Божество прославляюща, Владыце Христу и Богу молитву возносим, вернии: спасай нас, Превечный Бог.
Вас молим, преподобнии, Божию Престолу предстоящии, молитеся прилежно Господу просвещение нам даровати и велию милость.
Слава:
Слава Ты еси, Христе Боже, всякому чину праведных: молитвами их люди Твоя ущедри, подавая нам спасение и сердца тишину.
И ныне:
Поем Преблагословенную Деву Пренепорочную, в скорбех скорую Помощницу и в болезнех Исцелительницу, Утешительницу Дивную в горестех, Радосте Независтную в радостех. Ты бо еси со всеми преподобными и святыми Престолу Божию наша Предстательнице Небесная, Приснодево Благоуханная.
МОЛИТВА
О, предивная и всехвальная мати наша Анимаисо! К тебе, теплой заступнице и ходатаице, возносим наши недостойныя молитвы. Услыши нас, грешных, притекших днесь во священный храм сей, молящихся и к святей твоей иконе припадающих и умиленно вопиющих: буди за нас предстательницею и молитвенницею пред Богом в Троице. Да презрев наша тяжкия и безчисленныя согрешения, явит нам Всещедрый Господь наш велию милость прощения, да воздвигнет нас из глубины греховныя, просветит ум наш, умягчит злыя и окаянныя сердца наша. Умиряя враждующих, погашая зависти и раздоры, да осенит нас Всемилостивый Бог наш миром, любовию и утешением, страх Божий вселит в ны, да греха отвращаяся, путем праведности потецем за тобою, мати наша Анимаисо, да покрыет Господь множество грехов наших Своим Неизреченным Милосердием. Да с тобою вкупе и с лики ангельскими прославим всечестное Имя Бога Единаго в Троице во веки веков. Аминь.
КРАТКОЕ ЖИТИЕ
Праведная дева, угодница Божия Мария Михайловна Смертина прославлена РПЦ под именем прп. Анимаисы Острецовской. У её родителей Михаила Петровича и Агафии Еремеевны было 8 детей. Все братья и сестры преподобной претерпели мучения и смерть во время гонений богоборческой власти против православнаго народа. Тихон, Николай, Константин и Адриан погибли в 1917 г. Анна, Марина и Параскева – в 1937 г. Сама Мария родилась в деревне, основанной её отцом и именуемой «Починок Михаила Петровича», ныне д.Кокоулинцы Октябрьского района Костромской области.
В 1900 г. Мария поступила в Макарьев-Решемский женский монастырь, основанный прп. Макарием Желтоводским и Унженским, где приняла постриг с именем Анимаиса и пробыла до дня закрытия монастыря в 1927 г. По благословению настоятельницы монастыря игумении Досифеи, в составе нескольких сестер закрывшейся обители, обрела новое место спасения в г. Родники, неся послушание в городском храме под руководством священника Петра Лебедева, мученически окончившего свою жизнь за веру православную (причислен Русской Православной Церковью к лику святых новомучеников, память 14/27 октября). По его благословению матушка Анимаиса переехала в село Острецово, что в 15 км от Родников. Здесь она поселилась в каменной церковной сторожке при Свято-Троицкой церкви. Усердно несла послушание по уборке храма, который и охраняла, неся послушание сторожа. На жизнь зарабатывала своим трудом: шила одеяла, подшивала валенки, тачала тапочки для усопших, делясь с бедными последним куском хлеба. За добрым советом и наставлением к ней обращались многие простые люди.
В 1940 году храм в Острецово закрыли. Матушка осталась жить в церковной сторожке одна, спасая храм от разрушений и грабежей. Спрятав ключи у соседей, подвижница ожидала ареста, днем и ночью молила Господа о помощи, и Господь её помиловал. Когда представители богоборческой власти прибыли для разграбления храма, матушка Анимаиса отказалась выдать им ключи от храма, а те не решились взламывать двери церкви. Больше они в село не возвращались. Сам Бог, молитвами Анимаисы и верных прихожан, хранил святую церковь от осквернения.
В 1946 году власти разрешили открыть храм для верующих, и когда приехал православный священник, матушка Анимаиса передала ему ключи от храма, при входе в который все были удивлены сохраненными в нем чистоте и благолепию. Матушка стала помогать священнику в алтаре. В посте, нужде, труде и в постоянных заботах угодница Божия не забывала непрестанной молитвы, которая, в сочетании с благими делами, заполняла всю её жизнь до самой кончины. Со временем святая сподобилась даров прозорливости и молитвенной помощи болящим и скорбящим, труждающимся и обремененным.
Пред успением своим праведница просила близких не печалиться о ней, пообещав всегда быть с теми, кто помнит её и молится Господу нашему Иисусу Христу и всем святым Христовой Церкви. «Всех вас буду встречать, а тех, кто попросит, утешу, и буду о тех Святую Троицу умолять,» - сказала на прощание матушка.
Отошла преподобная ко Господу мирно 1/14 июня 1963 года.
Сразу после погребения у её могилы стали совершаться знамения Божией милости: исцелялись больные (и даже домашние животные), водворялся мир в семьях, суды оправдывали узников, многие люди получали утешение от горестной жизни.
18 сентября 1997 года по благословению Высокопреосвященнейшего Амвросия, архиепископа Ивановского и Кинешемского, и усердием настоятеля Александро-Невского храма протоиерея Виталия Уткина и родниковского приходского совета были обретены и перенесены в храм святые мощи угодницы Божией Анимаисы.
Адрес храма, где находятся мощи святой Анимаисы: Россия, 155250, Ивановская область, г. Родники, ул. Алексеевская, д.1 А.
ПОМОЩЬ СВЯТОЙ
Раб Божий Юрий, по молитве к преподобной, исцелился от боли в пояснице, но при перенесении мощей совершил большой грех - похитил зуб преподобной Анимаисы. За что был наказан страшными болями в челюсти. Раскаявшись в содеянном,, Юрий вернул зуб в храм, после чего боли совершенно прошли.
От мощей прп. Анимаисы, а также от ее икон, неоднократно исходило благоухание, которое разливалось по всему храму.
Раба Божия Маргарита, переехав в Родники с больной матерью, оказалась в трудной жизненной ситуации. После молитвы у мощей матушки Анимаисы закончились неприятности в семье её дочери, а сама Маргарита чудесным образом устроилась на работу.
Зоя Лебедева исцелилась от растущей родинки, помазав её маслом от мощей преподобной.
В Санкт-Петербурге одна из жительниц страдала болезнями ног и исцелилась, помазавшись маслом преподобной.
Жительница г. Наволоки Валентина Р. получила облегчение в финансовых затруднениях по молитвам к святой: внезапно приехал престарелый дальний родственник, который помог материально.
Анастасия С. , сильно захворав Великим Постом, после трёхкратного явления ей матушки Анимаисы исцелилась, умывшись по ее настоянию водою из ручья преподобной.
У Ангелины Ч. супруг получил ожоги от горячего битума. Исцелился, помазавшись маслом преподобной.
Происходили и другие чудеса: исцеления от болезней, в том числе от рака с метастазами.
Довольно часто у бесплодных пар, по молитвам к преподобной, рождались детишки.
Составители канона и службы преподобной Анимаисе, супруги Михаил и Елена, испытали на себе благодатную помощь святой матушки: "Находясь в трудной жизненной ситуации и попав в долги, из которых выйти было невозможно своими силами, заехали в Родниках в храм св.Александра Невскаго. Здесь мы узнали от настоятеля о. Виталия Уткина о святой преподобной Анимаисе Острецовской, о её особенном даре оказывать помощь людям, попавшим в финансовые затруднения. Получив от настоятеля акафист, мы помолились св. Анимаисе и дали обет составить ей службу с каноном, т.к. она не была ещё составлена. Находясь в дороге, мы ежедневно читали акафист преподобной. Казалось, что она сама направляет нас в нужное место. Предстательством и молитвами преподобной Анимаисы мы решили все финансовые проблемы и, наконец, выполнили обещание, данное преподобной.
Рождество Христово, 2014 год.