Сегодня мы празднуем память святой преподобномученицы Анны Корнеевой – послушницы Макариев-Решемского женского монастыря, мученически пострадавшей за Христа в годы гонений. 12 февраля 1938 года она была арестована и 26 февраля расстреляна на Бутовском полигоне.
В монастыре в память о преподобномученице Анне был отслужен молебен с акафистом.
Тропарь святой преподобномученице Анне Корнеевой, глас 4
Цвет Российскаго луга духовнаго, в годину лютых гонений дивно процветший, святая преподобномученице Анно, добрый плод в терпении Христу принесшая, молися Ему, яко насадителю твоему, да избавит люди Своя от безбожных и злых, да утверждается же Церковь Русская кровию и страдании твоими во спасение душ наших.
Кондак, глас 2
Новая страстотерпице Российская, исповеднически поприще земное прошедши, страданиями дерзновение приимшая, молися Христу на тя призревшему, яко да молящиися тебе в час испытания веры их, мужества да приимут. Образ бо еси нам, лобызающим стопы твоя, яко ни скорбь, ни теснота, ни смерть от любве Божия разлучити тебя не возмогоша.
Молитва
О, святая преподобномучение Анно, за Христа́ пострада́вшая, ве́рность Ему́ да́же до сме́рти свиде́тельствовавшая и вене́ц жи́зни от Него́ прие́мшая! Ты́ во дни́ гоне́ния лю́таго, зе́млю на́шу от безбо́жных пости́гшаго, о́браз терпе́ния и непосты́днаго упова́ния му́жественне яви́ла еси. Ны́не же, в раи́ сла́дости наслажда́ющеся, пред Престо́лом Бо́жиим во сла́ве предстоиши и при́сно хвалу́ и хода́тайство со А́нгелы и все́ми святы́ми Триеди́ному Бо́гу возноси́ши. Сего́ ра́ди мы́, недосто́йнии, мо́лим тебя, святая сестра на́ша: не забу́ди земна́го оте́чества твоего, грехо́м Ка́инова братоуби́йства, поруга́нием святы́нь, безбо́жием и на́шим беззако́нием отягче́ннаго. Умоли́ Го́спода Си́л, да утверди́т Це́рковь Свою́ непоколеби́му в ми́ре се́м многомяте́жнем и лука́вом; да возроди́т в земли́ на́шей ду́х братолю́бия и ми́ра, темже и нашей нищете духовная подаст дарования и от безмерных прегрешений предстательством твоим оградит, друг ко другу нас в терпении и послушании наставит, да сподобимся дни жизни сея привременныея во всяком благочестии и чистоте пожити, славяще Отца и Сына и Святаго Духа ныне и присно и во веки веков. Аминь.
Величание
Величаем тя, святая преподобномученице Анно, и чтим честная страдания твоя, яже за Христа претерпела еси.